Саусырыкъо икъэхъукI0


Зы мафэ горэм Сэтэнэе-гуащэр псы Iушъом гъыкIэу Iусыгъ. Нартымэ ячэмахъо адрэ псыIушъом, нартмэ ячэмхъэр ыгъэхъоу Iутыгъ. Чэмахъор Сэтэнэе-гуащэм идэхагъэ шIогъэшIэнэу къехъопсагъ. Лъэшэу бэрэ арэу къехъуапсэу къеплъыгъ. ЗыфэмыIажэу Сэтэнэе-гуащэм дихьыхыгъэти къекууагъ:

- КъыфакIо Сэтэнай!

- КъэрэкIу! - ыIуагъ Сэтэнаем.

Чэмахъом ихъопсащэ Сэтэнэе-гуащэм ыбгъуджэ щылъыгъэ мыжъом къытефагъ. Сэтэнае мыжъор ышти, хъэдэн фабэм кIоцIищыхьагъ. Яунэ къыхьи, хьакум рилъхьагъ.

Мыжъом мафэ къэсми хахъоу ыублагъ. Мэзибгъурэ мэфибгъурэ мыжъор щылъыгъ. Ащ фэдизымкIи хахъозэ мыжъор инэу бэгыгъэ.

Сэтэнэе-гуащэр Лъэпшъ еджи къыщагъ, мыжъор зэгуиутынэу елъэIугъ. Лъэпшъ мыжъор зэгуиутыгъ. Мыжъо кIоцIым машIор къиустхъукIэу шъэо цIыкIу къыдэзыгъ. Къефэхи, Сэтэнэем иджэнэ кокIы къифагъ. ИджэнакIэ пхыристыкIи чIыгум тефагъ.

Лъэпшъ гъучIы IадэмкIэ сабыим ыкопкъышъхьитIу ыубыти блэгъогъо псым хигъэуагъ. Ащ тетэу кIэлэцIыкIур ыгъэучъыIыжьыгъ.

ИкIэрыкIэу Лъэпшъы гъучI IадэмкIэ кIэлэцIыкIум ыкопкъышъхьитIу пиубытыкIи блэ псахьыгъо ыпсыхьагъ. Ащ къыхэкIыкIэ кIэлэцIыкIум ышъо тIэкIу нахь шъабэу хъугъэ.

Ащ тетэу кIэлэцIыкIур цIыфы плъышъом къихьагъ. ЫкIышъо щылычым фэдэу пытэу къэнагъ. Ау ыкопкъышъхьитIу гъучI IадэмкIэ ыубытыгъагъэр цIыфы пкъышъолым фэдэу шъабэу къэнагъэх.

Лъэпшъы кIэлэцIыкIум Саусэрыкъу цIэу фиусыгъ.

Комментарии / 0 из 0


    Уважаемый, посетитель!
    1. Обязательно укажите свое имя и поставьте галочку в графе "Я не робот".
    2. Публикация комментария может занимать несколько секунд. Пожалуйста, дождитесь подтверждающего сообщения после его отправки.
    3. Зарегистрированные пользователи могут получать уведомления об ответах и новых комментариях.