Тыадыг ыкIи тычеркес

Тикъэралыгъо щыпсэурэ цIыфхэр чъэпыогъу мазэм кIатхыкIыжьыщтых. Нэбгырэ пчъагъэу тызэрэхъурэр зэрагъэшIэн закъом паеп ар зыкIашIы­рэр, лъэпкъ зэфэшъхьафхэу хэгъэгум исхэр зыфэдэхэр ыкIи зэрэхъухэрэр агъэунэфыными фэшI. Ахэм адыгэхэр, лъэпкъ зэфэшъхьафых уагъаIоу, "адыгэкIэ", "къэбэртаекIэ", "шапсыгъэкIэ" ыкIи "черкескIэ" ахэуцох. ЗэкIэми тыадыг, ау зы лъэпкъэу тызэрэщытыр къыдэтлъытэзэ, тызыщыщ лъэпкъыр зэкIэми зы гущыIэкIэ ттхырэп. Арэущтэу щытмэ зэрэнахьышIур цIыфхэм аужырэ илъэсхэм къаIоу рагъэжьагъ, ау Iофым кIэух фэхъугъэп.

Джыри кIэтхыкIыжьыгъор зыщырагъэкIокIыщт илъэсым, мэзаем и 8-м къыщегъэжьа гъэу, черкес къэбар Интернет-ресурс зыкIым Iоф ешIэ. Проектыр зыгъэхьазырыгъэр адыгэ web-сайт купрэ общественнэ организацие заулэрэ. Проектыр зыфэлажьэрэр Темыр Кавказым щыкIорэ акциеу "Зы лъэпкъ - зы цIэ" зыфи Iорэм ныбжьыкIэу хэлажьэхэрэм къэбар тэрэз цIыфхэм алъагъэIэсыныр ары. Зы лъэпкъэу тыщытми, Урысые Федерацием ичIыпIэ зэфэшъхьафхэм тащэпсэу. Ащ къикIырэп лъэпкъ зэфэшъхьаф тыхъугъэу, арышъ, зы цIэ зэкIэми тхьымэ нахьы шIу. Тарихълэжьхэм, Адыгэ ха сэхэм ятхьаматэхэм, нахьыжъхэм, шIэныгъэлэжьхэм, депутатхэм мы Iофым еплъыкIэу фыряIэр сайтэу къызэIуахыгъэм къыщыраIотыкIын алъэкIыщт. Сайтыр къызэрэбгъоты щтыр: www.perepis2010.org

Шъугу къэдгъэкIыжьын адыгэхэр черкесхэу, къэбэртаехэу, шапсыгъэхэу, адыгэхэу ыкIи адыгейцэхэу загощыгъэхэр бэшIагъэу зэрэщымытыр. Совет хабзэр къызыдахым ыуж совет автономиехэр зыщагъэпсыгъэхэ лъэхъаныр ары ар зыхъугъэр.

Этнонимхэу адыгэхэр зэрапхыхэрэм ачIыпIэ зы этнонимкIэ зыттхыжьмэ нахьышIоу бэмэ къаIо ар зыдгъэцакIэкIэ, зы лъэпкъ тыщыщэу зэрэщытыр тэр-тэрэу къэтэгъэнафэ. Тэ "адыгэкIэ" ты зэджэжьы, уры сыбзэкIэ "черкес" тIоу кIэтхыкIыжьыным илъэ хъанзядгъэтхыкIэ, зы лъэпкъыжъ ин тызэрэщыщыр къэтэгъэнафэ.

Ары акциери, къэбар Интернет-ресурс зыкIыри зэхэзыщагъэхэм зэралъытэрэри. Хъугъэ-шIэгъэ инэу тапэкIэ тызыхэлэжьэн фаем ащ фэдэ амал къытеты. Адыгэ цIыфэу "сыадыг" зыIорэ пэпчъ кIэтхы­кIыжьыныр рекIокIы зыхъукIэ, зыщыщ лъэпкъыр "черкескIэ" аригъэтхынэу къеджэх. Ащ фэдэ фитыныгъэ тиI. Тарихъым тызэрэхэхьа гъэр джащ фэд.

Урысые Федерацием и Конституцие ия 26-рэ статья къыщеIо нэбгырэ пэпчъ ежь-ежьырэу зыщыщ (зызхилъытэрэ) лъэпкъыр къыгъэнэфэнэу ыкIи аригъэтхынэу фитыныгъэ зэриIэр. Егъэзыгъэ IофкIэ узщыщ лъэпкъыри, узэратхыщтыри хэти къыхыуигъэхынэу щытэп ыкIи ащ фэдэ фитыныгъэ иIэп.

Адыгэхэу чIыпIэ зэфэшъ хьаф хэм ащыпсэухэрэр зы лъэпкъ - адыгэ лъэпкъэу зэрэдунаеу "черкескIэ" щашIагъэм - зэрэщыщхэр зы этно нимкIэ зэратхыщтым лъэпкъымкIэ мэхьанэшхо иI. Ау ар икъоу къызыгурыIон фаери, зишIошIхэр къэзыIонхэ фаехэри ежь цIыфхэр ары.

Мы Iофым ехьылIагъэу зигупшысэхэр къизыIотыкIы зы шIоигъохэр телефонхэу 52-18-21-мкIэ ыкIи 52-92-84-мкIэ шъу къытеу е редакцием шъу къычIахь.

Интернет-сайтым къихьэрэ къэбархэм тапэкIэ нэIуасэ шъуафэтшIызэ тшIыщт.

Шъаукъо Аслъангуащ.

© Адыгэ Макъ