20 марта 2014 15:00


Джэгурэш 4

КВН на адыгском языке


Хьэтlохъущокъуэ Къазий и цlэр зезыхьэ Адыгэбзэ Хасэ

ПщIэ зыхуэтщI ди ныбжьэгъуфIхэ!

ХьэтIохъущокъуэ Къазий и цIэр зезыхьэ Адыгэбзэ Хасэм и гуапэу фыкърегъэблагъэ гъатхэпэм и 20-м, сыхьэтыр 14-м Къэбэрдей-Балъкъэр Къэрал ут гъэлъэгъуапIэм (ГКЗ) щекIуэкIыну «Джэгурэш» зыфIэтща къэщIэрейхэмрэ гушыIэрейхэмрэ я джэгу зэпеуэм

Зэпеуэм хэтынущ Къэбэрдей-Балъкъэрым и курыт еджапIэхэм я епщIанэ-епщыкIузанэ классхэм щеджэ ныбжьыщIэхэр. Мыр япэ джэгу зэпеуэщ. А зэпеуэм къыхэжэныкIхэр гъэм и кIэм зэхуэдгъэзэжынущ, «Джэгурэш»-м и бжьэгъуэм щIэбэнын щхьэкIэ. Мы япэрей джэгу зэпеуэр зыхуэгъэпсар Адыгэ тхыбзэм и махуэрщ. Иребзэрабзэ ди адыгэбзэ дахэр. Адыгэр псэуху бзэри псэунущ!



Комментарии (4)


  1. Дадэ Тембот  19 марта 2014, 21:14   0

    Нэгурэши Джэгурэши

    Я джэгушхуэм сыщIохъуэпс,

    ХъуапсэнэIурэ Iэмалыншэу

    ПIэм си закъуэ сыщозэш.

    Сэ си лъакъуэр къыздэбзамэ

    А ут лъапIэм сынэсынти,

    Си гушыIэ яхэздзэнт,

    Дзей сымыхъуми адыгэлIым

    И щэн бзыгъи яхэздзэнт.

    Сэ слъэкIынур нобэ арщи

    Зэхыхьэшхуэм сывохъуэхъу,

    СигукIэ щIалэ cыфщыжащи,

    Адыгэбзэр зэIэпыфх!

     

  2. Щоджэнокъуэ Адемры  19 марта 2014, 21:25   0

    Адыгэм и псэр хэкIынукъым и бзэр Iурылъыху. Лъэпкъыр уахътыншэ дыхъуну дыхуеймэ,

    мычэму  ди бзэм къыхэужьгъэ псалъэ ежьужь - псыхьэлъахуэхэр пхъэIэбжьанэ инкIэ хэдгъэкъэбзыкIын хуейщи, маржэ, 

    АпхуэдизкIэ ди бзэм лей къытохэри, поэт ныкъуэ гуэрхэм мыпхуэдэ лъагъуныгъэ сатырхэр

    къытхаутIыпщхьэ:

     

            МЫШЭЖЬ ПОШОЛ НА КЪАЗГЪЭХЪУПIЭ

            ДЛЯ ОБЪЯСНЕНЭ С ПАЛЪТО ПЛЪЫЖЬ.

           ОНА САКАЗАЛА: "УИ ЖЬЭР IУПIЭ -

           Я НЕ ХОЧУ УЭ ПХУЭДЭ ЛIЫЖЬ!"  

           МЫШЭЖЬ И ЖЬЭЖЬЫР IУРЫХУАУЭ,

         СИ ДЕЖ МОЛЯЩИЙ ВЗГЛЯД КЪИДЗАЩ...

  3. Хуабжьу,  фимахуащ "Джэгурэш"-м хэтхэм! Бзэр зэдгъэщ1эжу, Хабзэр зыхэтлъхьэжмэ, Адыгейр (Адыгэ Хэкур) зэф1эувэжынущ! Бзэр, Хабзэр, Хэкур, Тхьэр Зыщ!

  4. Тимур  10 июля 2014, 11:12   0

    Даурхэ я Жэхьэфэрым

    Афэрымыр ену къелъыхъу,

    Псэлъыхъу щауэм захибжэжауэ,

    Илъэс  80-м иредзэ пщэхъу.

    Зы жэщым зы тхылъ етхыфри,

    Нэху щымэ, къыдегъэк1ыф,

    Пк1элъеишхуи уафэм нэсыну,

    Хьэпэнэсхэм хуегъэувыф!

    Къантемырхэ я Тыркубии

    И къалэмыр къытхуегъэдалъэ,

    Хьэф1ыц1эр имыгъэбийми,

    Трамыдзэ "Адыгэ псалъэм".

    Ди гушы1эр жыхуэс1э тхак1уэхэм

    Емык1уу къремылъытэ,

    Я зэчийхэм лъатэу къещак1уэхэм

    Я бзэгухэр иремыубзытэ!


Вы должны авторизоваться, чтобы оставлять комментарии.

Вход Зарегистрироваться