«Дунейпсо Адыгэ Хасэм» и напэр зытрихыжауэ къалъытэр жылагъуэ IуэхущIакIуэ щхьэхуэхэм
«ДАХ»-м УФ-м и цIыхубэ палатэм и сайтым къырилъхьащ абы зыхуигъазэу дунейпсо адыгэ лъэпкъ зыщIэхъеяныгъэр къызэтригъэувыIэным елэжьыным папщIэ къэралым грант хухихыну лъэIукIэ зыхуигъазэу.
ИкIи мы Iуэхугъуэр зыхэзыха адыгэ цIыхубэм ар ягу ирихьакъым. Абы ипкъ иту жылагъуэ зэгухьэныгъэм а зыхуэгъазэныгъэ тхыгъэр адыгэ жылагъуэ IуэхущIакIуэхэм я сайтхэм щызэбгырыкIащ.
Псалъэм папщIэ, нэхъапэIуэу а тхыгъэр утыку къизылъхьахэм ящыщщ «Адыгэ Хэку» интернет сайтыр. Мыбы къызэрыралъхьамкIэ «ДАХ»-р Урысей къэралыгъуэм елъэIуу аращ мылъку хухихыну адыгэ лъэпкъ зыщIэхъеяныгъэхэм ебэныным папщIэ. Абы къыщынэмыщIа интернетым адыгэ Iуэхур щыкIуэцIрыгъэкIыным елэжьхэм япэувыну.
Мы интернет сайтым утыку кърилъхьа тхыгъэхэм къызэрыхэщымкIэ «ДАХ»-р мы лъэбакъуэмкIэ и лъэпкъым зэрепцIыжыр наIуэу мыукIытэжыу къигъэлъагъуэу аращ. АдэкIэ абы Урысейм адыгэ лъэпкъым пэщIэт и зы къулыкъу щIапIэу фIэкIауэ уеплъыжын хуэмейуэ къыщыхощыр абы.
«ДАХ»-р 1991 гъэм КъБР-м и къалащхьэ Налшыч и деж япэ дунейпсо адыгэ зэхыхьэ щекIуэкIам щыгъуэ къызэрызырагъэпэщауэ щытащ. ИкIи адыгэ жылагъуэ IуэхущIакIуэ куэдым къызэралъытэмкIэ а зэманым «ДАХ»-м мыхьэнэшхуэ иубыдащ дунейм и къэрал куэдым щыпсэу адыгэхэм я лъэпкъ зыщIэхъеяныгъэ къызэрагъэпэщыным теухуауэ.
Абы и лъэжьыгъэхэм ипкъ иткIэ адыгэ хэкум адыгэ щэ зыбжанэхэм ягъэзэжауэ, абы къыщынэмыщIа Урысейм щIэныгъэмкIэ и академием адыгэ лъэпкъыр зэрызыр къэлъытэным сэбэп хуэхъуауэ КъБР-мрэ, АР-мрэ я парламентхэм адыгэхэм 19-нэ лIэщIыгъуэм Урысейм лъэпкъгъэкIуэд къазэрырищIылIар къызэралъытар нэгъуэщI Iуэхугъуэ куэдми абы и фIыгъэ хэлъыуэ къалъытэр.
Ауэ мы псор къыщыхъуар зэман зыбжанэ и пэкIэщ. ИкIи 2012 гъэм «ДАХ»-м и тхьэмадэу Сэхъурокъуэ Хьэути зэрытрагъэувар и пэм щыщIэдзауэ адыгэ жылагъуэ IуэхущIакIуэ куэдым ягу ирихьатэкъым.
ИкIи ахэм иджы къызэралъытэмкIэ нэхъ Iей дыдэу абыхэм ягугъэнум имызакъуэу зей ахэм зыхуамыгъэфащэнур ищIащ. Мы дунейпсо адыгэ жылагъуэ зэгухьэныгъэм и тхыгъэ утыку къихуам теухуауэ и еплъыкIэ Хуитыныгъэ Радиом къыжриIащ адыгэ жылагъуэ IуэхущIакIуэ, «Пэрыт» адыгэ жылагъуэ зэгухьэныгъэм иригъэкIуэкI лэжьыгъэхэм и юрист Iуэхухэр зи пщэ дэлъыу щыта Хьэгъэжей Беслъэн:
«КIэщIыу жыпIэмэ «ДАХ»-м гран къыIихыну тхылъымпIэ щIыщIилъхьар езым игъэзащIэн хуейуэ щыт Iуэхугъуэхэм техуэкъым. Сэ сызэреплъымкIэ, абы и мыIуэху зэрехуэри абы хэтхэм «Уи мыIуэху зомыхуэу къэлъэн пщытщIам тету лажьэ»- жаIэу жраIэн хуейуэ къысщохъу».
Мэкъуэуэгъуэм и 26-м наIуэ къэхъуауэ утыку къихуащ «ДАХ»-м и лъэIу тхыгъэ УФ-м и цIыхубэ хасащхьэм щIилъхьа лъэIур зэрамыгъэзащIэным теухуауэ жэуапыр. Япэу апхуэдэ лъэIухэм щыхэплъэ Iыхьэ екIуэкIам «ДАХ»-м и Iуэху бгъэдыхьэкIэр щыкIуэцIырыкIакъым.
Мы илъэсым къэралым мыпхуэдэ зыхуэгъэзэныгъэхэм ядэIэпыкъуным папщIэ хухахащ сом I,3 милиард . ЕтIыуанэ Iыхьэм хухахыну мылъкум и инагъыр наIуэ къэхъунущ мы гъэм и бжьыхьэм.
Псори гуры1уэгъуэщ! Дунейпсо Адыгэ Хасэм Схъурокъуэхэ я Хьэутий зэрытехьэрэ, Адыгэм ди 1уэхум елъытауэ бадзэ и гъэхъейякъым, къитхъ хищ1ыхьакъым. Иджы ди Хасэр щ1илъхьэжыныу пылъщ. Сыт адэк1э зэрыхъунэр, сыт адэк1э тщ1энэр?Тыркум , КБР-м, КЧР-м, Адыгейм я Хасэхэм сыт я мурадыр, сыт ящ1энэр, сыт иджыри къэск1э зэхуэсыу унафэ къыщ1мыщтэр??? Упщ1эр куэдщ, хэт абыхэм я жэуап къыдэзытын хуейр??? Узыншэн Тхьэм къывит.
«Duneypso Adıge Hasem» i naper zıtrihıjaue kalıter jılague IuehuşçIakIue şçhehuehem
«DAH»-m UF-m i tsIıhube palatem i saytım kırilhyaşç abı zıhuigazeu duneypso adıge lepk zışçIehyeyanıger kızetrigeuvıIenım elejınım papşçIe keralım grant huhihınu leIukIe zıhuigazeu.
Avtor: Barkuk Inal
IkIi mı Iuehuguer zıhezıha adıge tsIıhubem ar yagu irihyakım. Abı ipk itu jılague zeguhenıgem a zıhuegazenıge thıger adıge jılague IuehuşçIakIuehem ya saythem şçızebgırıkIaşç.
Psalem papşçIe, nehapeIueu a thıger utıku kizılhyahem yaşçışçşç «Adıge Heku» internet saytır. Mıbı kızerıralhyamkIe «DAH»-r Urısey keralıguem eleIuu araşç mılku huhihınu adıge lepk zışçIehyeyanıgehem ebenınım papşçIe. Abı kışçınemışçIa internetım adıge Iuehur şçıkIuetsIrıgekIınım elejhem yapeuvınu.
Mı internet saytım utıku krilhya thıgehem kızerıheşçımkIe «DAH»-r mı lebakuemkIe i lepkım zereptsIıjır naIueu mıukIıtejıu kigelagueu araşç. AdekIe abı Urıseym adıge lepkım peşçIet i zı kulıku şçIapIeu fIekIaue uyeplıjın huemeyue kışçıhoşçır abı.
«DAH»-r 1991 gem KBR-m i kalaşçhe Nalşıç i dej yape duneypso adıge zehıhe şçekIuekIam şçıgue kızerızıragepeşçaue şçıtaşç. IkIi adıge jılague IuehuşçIakIue kuedım kızeralıtemkIe a zemanım «DAH»-m mıheneşhue iubıdaşç duneym i keral kuedım şçıpseu adıgehem ya lepk zışçIehyeyanıge kızeragepeşçınım teuhuaue.
Abı i lejıgehem ipk itkIe adıge hekum adıge şçe zıbjanehem yagezejaue, abı kışçınemışçIa Urıseym şçIenıgemkIe i akademiyem adıge lepkır zerızır kelıtenım sebep huehuaue KBR-mre, AR-mre ya parlamenthem adıgehem 19-ne lIeşçIıguem Urıseym lepkgekIued kazerırişçIılIar kızeralıtar negueşçI Iuehugue kuedmi abı i fIıge helıue kalıter.
Aue mı psor kışçıhuar zeman zıbjane i pekIeşç. IkIi 2012 gem «DAH»-m i themadeu Sehurokue Heuti zerıtrageuvar i pem şçışçIedzaue adıge jılague IuehuşçIakIue kuedım yagu irihyatekım.
IkIi ahem idjı kızeralıtemkIe neh Iey dıdeu abıhem yagugenum imızakueu zey ahem zıhuamıgefaşçenur işçIaşç. Mı duneypso adıge jılague zeguhenıgem i thıge utıku kihuam teuhuaue i eplıkIe Huitınıge Radiom kıjriIaşç adıge jılague IuehuşçIakIue, «Perıt» adıge jılague zeguhenıgem irigekIuekI lejıgehem i yurist Iuehuher zi pşçe delıu şçıta Hegejey Beslen:
«KIeşçIıu jıpIeme «DAH»-m gran kıIihınu thılımpIe şçIışçIilhyar ezım igezaşçIen huyeyue şçıt Iuehuguehem tehuekım. Se sızereplımkIe, abı i mıIuehu zerehueri abı hethem «Ui mıIuehu zomıhueu kelen pşçıtşçIam tetu laje»- jaIeu jraIen huyeyue kısşçohu».
Mekueueguem i 26-m naIue kehuaue utıku kihuaşç «DAH»-m i leIu thıge UF-m i tsIıhube hasaşçhem şçIilhya leIur zeramıgezaşçIenım teuhuaue jeuapır. Yapeu aphuede leIuhem şçıheple Iıhe ekIuekIam «DAH»-m i Iuehu bgedıhekIer şçıkIuetsIırıkIakım.
Mı ilesım keralım mıphuede zıhuegezenıgehem yadeIepıkunım papşçIe huhahaşç som I,3 miliard . YetIıuane Iıhem huhahınu mılkum i inagır naIue kehunuşç mı gem i bjıhem.
Huitınıge Radio
Это турецким алфавитом написано?
"«Duneypso Adıge Hasem» i naper zıtrihıjaue kalıter jılague IuehuşçIakIue şçhehuehem"